ریاست مہاراشٹر کے شہر اورنگ آباد میں دھنگر سماج کی جانب سے ریزرویشن کی مراعات کے لیے ڈھول تاشے بجاکر حکومت کو بیدار کرنے کی کوشش میں احتجاج کیا گیا۔ دھنگر سماج کا مطالبہ ہے کہ انہیں ایس ٹی زمرے میں شامل کیا جائے۔
دھنگر سماج کا کہنا ہے کہ پچھلے ستر برسوں سے وہ اپنے سماج کو ایس ٹی زمرے میں شامل کرنے کے لیے جد و جہد کر رہے ہیں لیکن حکومت توجہ نہیں دے رہی ہے۔
ان کا دعوی ہے کہ دستور ہند کے معمار ڈاکٹر بابا صاحب امبیڈکر نے دھنگر سماج کو ایس ٹی زمرے میں شامل کرنے کی سفارش کی تھی لیکن سیاست کے ٹھیکیداروں نے سماج کے ساتھ انصاف نہیں کیا۔ وہیں ملک میں دھنگر سماج کی آبادی دو کروڑ بتائی جاتی ہے۔
