اورنگ آباد: نقلی سونے پر قرض لینے والے پولیس کی گرفت میں

بینکوں میں اصلی سونا نقلی سونا رکھنے اور اس کے بدلے میں قرض کے نام پر بڑی رقم لینے والے دو بدمعاشوں کو اورنگ آباد کرائم برانچ یونٹ نے گرفتار کیاہے۔

ریاست مہاراشٹر کے ضلع اورنگ آباد کی کرائم برانچ یونٹ نے اصلی سونا بتاکر نقلی سونے سے کر بینک سے قرض لینے والے دو شاطر بدمعاشوں کو گرفتار کیا ہے۔

اورنگ آباد کرائم برانچ یونٹ کے پولیس انسپکٹر مدھوکر ساونت نے بتایا کہ تفتیش میں دونوں ملزمین نے اس بات کا اعتراف کیا ہے کہ اورنگ آباد کی گرامین بینک اور نگر کوآپریٹیو بینک میں بھی اصلی سونا بتا کر نقلی سونا رکھا جاتا ہے اور اس نقلی سونے پر قرض لیا جاتا ہے۔

نقلی سونے پر قرض لینے والے پولیس کی گرفت میں

گرفتار شدگان کے بتانے پر اورنگ آباد کرائم برانچ نے معاملے کی تفتیش کرتے ہوئے بینک کو لیٹر دیا، اس کے بعد بینک میں رکھا ہوا سونا چیک کیا گیا تو پتہ چلا کہ ان بینکوں میں تقریباً پانچ کلو نقلی سونا رکھ کر بینک سے ایک کروڑ 2 لاکھ روپے کا قرض لیا گیا ہے۔

فی الحال کرائم برانچ اس بات کی تحقیقات کر رہی ہے کہ اس معاملے میں اور کتنے افراد ملوث ہیں۔