اورنگ آباد: کورونا مریض نے خودکشی کی

ریاست مہاراشٹر کے شہر اورنگ آباد کے گھاٹی دواخانے میں کورونا وائرس سے متاثرہ ایک مریض نے ہسپتال کی چوتھی منزل سے چھلانگ لگاکر خود کشی کرلی۔ مریض گزشتہ ایک ہفتے سے گھاٹی دواخانے میں زیر علاج تھا۔

مراٹھواڑہ کے سب سے بڑے ہسپتال گھاٹی ہسپتال میں کورونا کے ایک مریض نے ہسپتال کی چوتھی منزل سے چھلانگ لگاکر خودکشی کرلی۔

یہ واقعہ ہسپتال کی سُپر اسپیشلٹی بلڈنگ میں پیش آیا۔ مہلوک کا تعلق پٹن تعلقہ سے بتایا جاتا ہے۔ اس واقعے کی وجہ سے گھاٹی ہسپتال میں ہلچل مچ گئی ہے۔

اس دوران ہسپتال انتظامیہ کا دعویٰ ہے کہ مریض پر پوری توجہ دی جارہی تھی لیکن صبح سات بجے فراغت کے بہانے مریض نے خودکشی کرلی۔

اس معاملے میں بیگم پورہ پولیس اسٹیشن میں کیس درج کیا گیا ہے اور خودکشی کی وجہ معلوم کی جارہی ہے