اورنگ آباد: پٹرول او ڈیزل کی قیمتوں کے خلاف کانگریس کا احتجاج

مہاراشٹر کے اورنگ آباد شہر میں کانگریس کارکنان نے مہنگائی کے خلاف انوکھے انداز میں احتجاج کیا۔

مہاراشٹر کے اورنگ آباد میں پٹرول، ڈیزل اور رسوئی گیس کی بڑھتی ہوئی قیمتوں کو لیکر کانگریس نے شاہ گنج علاقے سے ڈویژنل کمشنر آفس تک ایک انوکھی ریلی نکالی، جس میں کانگریس کارکنان نے بیل گاڑی، اونٹ اور سائیکل کی سواری کر مرکزی حکومت کی پالیسیوں کے خلاف احتجاج کیا۔

اورنگ آباد میں کانگریس کارکنان نے مرکزی حکومت کے خلاف پٹرول، ڈیزل اور رسوئی گیس کی بڑھتی قیمتوں کو لے کر احتجاجی ریلی نکالی۔ یہ ریلی اورنگ آباد کے شاہ گنج علاقے سے لے کر ڈویژنل کمشنر آفس تک نکالی گئی۔ جس میں بڑی تعداد میں کانگریس کارکنان نے حصہ لیا۔

اونگ آباد کانگریس کے صدر شمس عثمان نے کہا کہ موجودہ حکومت ایندھن کی قیمتوں میں دن بہ دن اضافہ کر رہی ہے۔ جس سے عام انسان کی کمر توٹ چکی ہے۔

بین الاقوامی سطح پر پٹرول کی قیمتیں کم ہیں، ایسے میں مرکزی حکومت کو چاہیے کہ وہ پٹرول اور ڈیزل کی قیمتوں میں کمی کرے تاکہ عام آدمی کو پریشانیوں کا سامنا نہ کرنا پڑے۔