مہاراشٹر میں زرعی قانون پر روک لگانے کے بعد بی جے پی نے احتجاج کیا

مرکزی حکومت کی جانب سے زرعی قوانین منظور کیے جانے کے بعد مہاراشٹر حکومت نے ان قوانین کو ریاست میں نافذ نہیں کرنے کے سلسلے میں آرڈیننس جاری کیا ہے، جس کے خلاف بی جے پی کے کارکنان نے اورنگ آباد میں ضلع کلکٹر آفس کے سامنے احتجاج کیا اور ریاستی حکومت کے آرڈیننس کی کاپی کو نذرِ آتش کیا۔

مرکزی حکومت کے نئے زرعی قوانین کے خلاف کسانوں کے ذریعے احتجاج کیے جا رہے ہیں۔ جس کے مدنظر مہاراشٹر حکومت نے ان قانون کو نہیں نافذ کرنے کو لیکر آرڈیننس جاری کیا ہے۔

مہاراشٹر میں بی جے پی اب زرعی قانون کو لیکر سیاست کر رہی ہے۔ بی جے پی کے لیڈران نے اورنگ آباد ضلع کلکٹر آفس کے سامنے احتجاج کیا۔

احتجاج کرنے والے لیڈر کا کہنا ہے کہ، 'مرکزی حکومت نے کسانوں کی آزادی کے لیے زرعی قانون پاس کیا تھا، لیکن ریاستی حکومت نے کسانوں کی آزادی پر پابندی لگا دی ہے۔'

بی جے پی لیڈران کا کہنا ہے کہ، 'پچھلے مہینے مراٹھواڑہ میں زور دار بارش ہوئی، جس کی وجہ سے کسانوں کی فصلیں برباد ہو چکی ہے اور کسان پریشان حال ہے۔ جس کے سبب کسان خودکشی کرنے پر مجبور ہے۔'

بی جے پی نے ریاستی حکومت کو الٹی میٹم دیتے ہوئے کہا کہ، 'اگر پندرہ دن میں ریاستی حکومت نے کسانوں کی مدد نہیں کرتی ہے، تو آنے والے وقت میں راستہ روکو احتجاج کیا جائے گا۔'