ممبئی: پولیس اہلکاروں پر حملہ کرنے والوں کے خلاف معاملہ درج

ریاست مہاراشٹر کے دارالحکومت ممبئی کے انٹاپ ہل علاقے میں پولیس جوانوں پر حملہ کرنے والوں کے خلاف ممبئی پولیس نے معاملہ درج کر لیا ہے۔

کورونا وائرس کے پیش نظر ممبئی کا انٹاپ ہل علاقہ ریڈ زون قرار دیا گیا ہے، اسی لیے یہاں پولیس کا سخت پہرہ ہے لیکن اس پولیس بندوبست کی خلاف ورزی کرنے والوں نے پولیس پر ہی حملہ کر دیا۔

تفصیلات کے مطابق گزشتہ شب پولیس اہلکار انٹاپ ہل میں گشت پر تھے چونکہ علاقہ ریڈ زون میں ہے اس لیے پولیس یہاں سخت نگرانی کر رہی ہے۔

اسی دوران ایک شخص بغیر ماسک کے گھومتا ہوا نظر آیا۔ اس لیے پولیس نے اسے ٹوکا لیکن مذکورہ شخص نے پولیس اہلکار پر اپنے ساتھیوں کے ساتھ حملہ کر دیا۔