'مرکزی حکومت کے پاس پیش کرنے کے لیے کچھ بھی نیا نہیں ہے'

شیوسینا کے رہنما اور رکن پارلیمنٹ سنجے راوت نے کہا، "سابق وزیر اعظم جواہر لال نہرو کی حکومت کے مقابلے میں، موجودہ مرکزی حکومت کے پاس ملک کے لوگوں کو دینے کے لیے کچھ بھی نیا نہیں ہے۔ نہرو کے دور حکومت میں تیار کیا گیا بنیادی ڈھانچہ اور ادارے اب بھی موجود ہیں اور ترقی پزیر ہیں۔"

وزیر اعظم نریندر مودی کی قیادت میں مرکزی حکومت کے سات سال مکمل کرنے پر شیو سینا کے رکن پارلیمنٹ سنجے راوت نے نکتہ چینی کرتے ہوئے کہا کہ موجودہ مرکزی حکومت کے پاس ملک کے عوام کو پیش کرنے کے لیے کچھ بھی نیا نہیں ہے۔

رکن پارلیمنٹ راوت نے کہا، "سابق وزیر اعظم جواہر لال نہرو کی حکومت کے مقابلے میں، موجودہ مرکزی حکومت کے پاس ملک کے لوگوں کو دینے کے لیے کچھ بھی نیا نہیں ہے۔ نہرو کے دور حکومت میں تیار کیا گیا بنیادی ڈھانچہ اور ادارے اب بھی موجود ہیں اور ترقی پزیر ہیں۔"

انہوں نے مزید کہا کہ "مجھے معلوم ہے کہ موجودہ حکومت پر بدعنوانی کے الزامات نہیں ہیں۔ لیکن حکومت سے لوگوں کی توقعات صرف بنیادی ضروریات 'روٹی، کپڑا، مکان' پر ہی مبنی ہیں، کوئی بھی ٹاٹا، برلا اور اڈانی نہیں بننا چاہتا ہے۔"

راوت نے کہا، "میں اس بات سے اتفاق کرتا ہوں کہ مرکزی حکومت بدعنوانی کے کسی بھی الزام سے داغدار نہیں کا دعوی کرتی ہے، لیکن انہیں کانگریس کے رہنما راہل گاندھی کے ذریعہ اٹھائے گئے ایشوز پر بات کرنے سے نہیں بھاگنا چاہیے۔"