عرشی قریشی کیس میں کرائم برانچ کے تفتیشی افسر کی جرح

آئی آر ایف سے تعلق رکھنے والے عرشی قریشی جن پر غیرمسلم نو جوانوں کو مذہب تبدیل کراکے داعش میں بھرتی کرانے سمیت کئی طرح کے سنگین الزامات لگائے ہیں-

اس مقدمہ کی سماعت ممبئی کی خصوصی این آئی اے عدالت میں جاری ہے اور استغاثہ کی جا نب سے یکے بعد دیگرے گواہوں کو پیش کیا جا رہا ہے-

آج یہاں عدالت میں خصوصی سرکار ی گواہ کرائم برانچ کے تفتیشی افسر پدمانکر چوہان کی گواہی اور جرح مکمل ہو گئی ہے-

دوران جرح تفتیشی افسر نے اس بات کا اقرار کیا کہ کیس کی تفتیش کے دوران کئی ایسی باتوں کا اقرار کیا جو نہ صرف قانونی ضابطوں کی خلاف ورزی سے تعلق رکھتی ہے بلکہ کیس کی نوعیت بھی بدل سکتی ہے۔

دفاع کی جانب سے قانونی نکاتوں کی بنیادوں پر بحث و جرح کی جا ری ہے-

آج جرح کے دوران تفتیشی افسر نے کئی باتوں کا اقرار کیا جو قانونی ضابطوں اور اصولوں کے خلاف تھیں- ان میں نمایاں طور پر اہم ضبطیاں بغیر پنچ نامہ ہی عمل میں لا یا جا نا، گوگل، واٹس ایپ، میسیج، وغیرہ کی تفتیش کسی اور سے کروانا، یو اے پی اے قوانین کے طریقہ کار کو بالائے طاق رکھنا وغیرہ شامل ہیں۔