مالیگاؤں میں عارضی طورپر نئے اے ایس پی کی تقرری

ریاست مہاراشٹر کے مسلم اکثریتی شہر مالیگاؤں کے سنگین حالات کو دیکھتے ہوئے مہاراشٹر پولیس انتظامیہ کی جانب سے فوری طور پر نئے اے ایس پی کی تقرری عمل میں لائی گئی ہے۔

سنیل کڑاسنے مالیگاؤں شہر میں اس سے قبل چھ برس بہترین خدمات انجام دے چکے ہیں۔ فی الوقت وہ ناسک شہر میں بطور چیف انٹی کرپشن ڈپارٹمنٹ میں خدمات انجام دے رہے تھے لیکن مالیگاؤں کے موجودہ حالات کو قابو کرنے کے لیے انہیں دوبارہ عارضی طور پر اضافی اے ایس پی کا چارج دیا گیا ہے۔

فی الحال مالیگاؤں پولیس انتظامیہ میں ضلع ایس پی آرتی سنگھ، اے ایس پی سندیپ گھوگے، ڈی وائی ایس پی رتناکرنولے اور اے ایس پی سنیل کڑاسنے لاء اینڈ آرڈر کو برقرار رکھنے کے لیے مقرر ہیں۔

مالیگاؤں میں عارضی طورپر نئے اے ایس پی کی تقرری

اسی طر ح سے عوامی رابطہ کے طور پر کارپوریشن کی جانب سے خصوصی آفیسر برائے وبا کے لیے آئی اے ایس ڈاکٹر پنکج آشیا مقرر کئے گئے ہیں۔