پریس کانفرنس میں پرویز صدیقی نے کہا کہ اگر مالیگاؤں میونسپل کارپوریشن انتخاب میں سماج وادی پارٹی کے کارپوریٹر منتخب ہوتے ہیں تو گونڈی اور شیواجی نگر کے پیٹرن پر مالیگاؤں میں ترقیاتی کام انجام دیے جائیں گے۔ مالیگاؤں میں روڈ گٹر، لائٹ، پانی کی سہولیات کے ساتھ ساتھ تعلیم اور روزگار کے بہتر انتظامات کیے جائیں گے۔
انہوں نے کہا کہ مالیگاؤں میں عوامی نمائندوں نے بنکروں اور مزدوروں کے مسائل کو حل کرنے میں سنجیدگی کا مظاہرہ نہیں کیا۔
پاورلوم صنعت سے سرکار کو کروڑوں روپے کا فائدہ حاصل ہوتا ہے لیکن سرکار مزدوروں کو کوئی سہولیات فراہم نہیں کرتی۔
پاورلوم صنعت کے متعلق موصوف نے ابو عاصم اعظمی کی قیادت میں مہاراشٹر سرکار سے ایوان اسمبلی میں نمائندگی کرنے اور اپنے مطالبات منوانے کے لیے احتجاج درج کرنے کا بھی اظہار کیا۔
ایک سوال کے جواب میں انہوں نے کہا کہ آئندہ سال ہونے والے مالیگاؤں میونسپل کارپوریشن چناؤ میں مقامی سیاسی حالات کے پیش نظر زیادہ سے زیادہ سیٹوں پر سماج وادی پارٹی الیکشن لڑے گی۔
انہوں نے کہا کہ مجلس اتحادالمسلیمن اترپردیش میں 100 سیٹوں پر اسمبلی الیکشن لڑنے کا اعلان کرتی ہے جو کہ سراسر بی جے پی کو فائدہ پہنچانے کے مترادف ہے۔
پرویز صدیقی نے الزام عائد کرتے ہوئے کہا کہ حیدرآباد میں مسلمانوں کی حالت زار کی ذمہ دار اویسی برادران ہے۔