اورنگ آباد: مہاراشٹر کے اورنگ آباد کے مسلم اکثریتی علاقہ نارے گاؤں کی عوام بنیادی سہولیات سے محروم ہیں۔ میونسپل کارپوریشن کی عدم توجہی کے سبب لوگوں کو بڑی دشواریوں کا سامنا کرنا پڑ رہا ہے۔ مسلم اکثریتی علاقہ نارے گاؤں کے سماجی کارکن صاحب خان پٹھان نے مقامی باشندوں سے ملاقات کی۔ ان کے مسائل پر بات چیت کی اور ان کے مسائل حل کرنے کی یقین دہانی کرائی۔
Anti-drug Campaign in Aurangabad اورنگ آباد میں نشہ مخالف مہم کا آغاز
اورنگ آباد کے مسلم اکثریتی علاقہ نارے گاؤں میں سماجی کارکن صاحب خان پٹھان نے بنیادی سہولیات سے محروم عام لوگوں کی پریشانیوں کو دور کرنے کے ساتھ ساتھ نوجوانوں کو نشے کی لت سے نجات دلانے کے ارادے سے مہم کا آغاز کیا ہے۔ Anti-drug Campaign in Aurangabad
خان پٹھان کا کہنا ہے کہ اورنگ آباد میں چار وزراء ہونے کے باوجود شہریوں کو بنیادی سہولیات فراہم نہیں کی جارہی ہے۔ اس علاقے میں نہ ہی ترقیاتی کام کئے جا رہے ہیں اور نہ ہی ان کے مسائل حل کرنے کی کوشش کی جارہی ہے۔ مقامی باشندوں کے ساتھ امتیازی سلوک کیا جا رہا ہے۔ انہوں نے کہا کہ مقامی باشندوں کو پریشانیوں سے نجات دلانے کے لئے مہم چلانے کا فیصلہ کیا ہے۔ اس کے ساتھ ساتھ علاقے میں بنیادی سہولیات کے فقدان کے خلاف میونسپل کارپوریشن کے سامنے دھرنے پر بیٹھیں گے۔ Anti-drug Campaign Launched in Aurangabad