انوکپور ہدایت کاری کرنا چاہتےہیں

انوکپور نے سنہ 1994 میں فلم ’ابھے:دی فیئرلیس ‘بنائی تھی۔اس فلم کو اس سال کا بیسٹ چلڈرن فلم ایوارڈ ملا تھا لیکن اس کے بعد انہوں نے کبھی کسی فلم کی ہدایت نہیں کی۔اب برسوں بعد انو کپور ایک بار پھر سے ہدایت کاری کرنا چاہتے ہیں۔

انو کپور نے بتایا کہ یہ میری قسمت تھی کہ مجھے ایک ہدایت کار کے طورپر پہلی ہی فلم میں نیشنل ایوارڈ مل گیا تھا لیکن قدرت کو شاید میرا ہدایت کار بننا منظور نہیں تھا۔اب ایک بار پھرسے میں جاگ رہا ہوں،اب میں ہدایت کاری کرنے کی تیاری کررہاہوں۔دو چار لوگ ہیں جو چاہتے ہیں کہ میں ان کی فلمیں ہدایت کروں۔شائقین سے یہی درخواست ہے کہ وہ میرے لئے دعا کریں اور میں ان کی دعاؤں سے فلم بناؤں گا۔

انہوں نے کہا،اس وقت میرے پاس چار الگ الگ طرح کی کہنانیاں ہیں۔میں فل چاہے گینگ ریپ پر بناؤں،میوزیکل بناؤں،ہارٹ ہٹنگ موضوع ہو یا کسی اور طرح کی ہو،میری فلم کے مرکزی نقطے میں انسانیت کے تئیں محبت ضرور نظر آئے گی۔میری کوشش ہے کہ اگلے سال تک میری ایک فلم ریلیز کےلئے تیار ہوجائے۔