ریاست مہاراشٹر کے اورنگ آباد میونسپل کارپوریشن کے ڈپٹی میئر کے الیکشن میں پارٹی کے خلاف جاکر ووٹ کرنے اور غیر حاضر رہنے والے چھ کارپوریٹرس کو معطل کردیا گیا ہے۔
اس بات کی جانکاری ایم آئی ایم رکن پارلیمان امتیاز جلیل نے دی۔
رکن پارلیمان امتیاز جلیل کا کہنا ہے کہ 'یہ کارپوریٹرس پارٹی کی طرف سے اتحاد کا مظاہرہ کرنے میں ناکام رہے۔ اس لئے ان کے خلاف کارروائی کی گئی۔'
واضح رہے کہ 'ایک کارپوریٹر نے بی جے پی کے تائید کردہ امیدوار کو ووٹ دیا جبکہ پانچ کارپوریٹرس الیکشن کے دوران غیرحاضر رہے تھے۔'
امتیاز جلیل کے مطابق 'ڈسپلین شکنی کو برداشت نہیں کیا جائے گا۔'