موک ڈرل کے نام پر مسلمانوں کو بدنام کرنے کی کوشش:رکن پارلیمان اِمتیاز جلیل
اورنگ آباد:پولیس جن ملزمین کو پکڑ کر لے جا رہی ہے یہ دراصل پولیس کی ایک ماک ڈرل ہے۔ جو ریاست مہاراشٹر کے احمد نگر میں مکر سنکرانتی کے دن شہر میں واقع بس اسٹینڈ پر کی گئی ہے۔ اب اس ماک ڈرل کا ویڈیو سوشل میڈیا پر وائرل ہو رہا ہے۔ اس ویڈیو کلپ میں سنا جا سکتا ہے کہ کس طرح ایک شخص جسے پولیس لے جا رہی ہے۔ وہ نعرہ اللہ اکبر کا نعرہ دیتے ہوئے آگے بڑھتا ہے اور لوگ بھی اُس شخص کی طرف دیکھ رہے ہیں۔
اس ویڈیو کلپ کو دیکھنے کے بعد مسلمانوں میں پولیس محکمہ کے خلاف کافی غصّہ و غصہ پا جارہا ہے۔ اس معاملے پر مجلس اتحاد المسلمین کے رکن پارلیمان سید امتیاز جلیل کا کہنا ہے کہ جو پولیس محکمہ کی تمام مذاہب کے لوگوں کو ساتھ لے کر چلنے کی ذمہ داری ہوتی ہے۔لیکِن اگر یہ ہی پولیس والے ایک مخصوص مذہب کو ہدف بنا رہے ہیں۔ان سے کیا امید کی جاسکتی ہے۔