پابندی کے بعد پرگیہ کی خاموشی

مالی گاوں بم بلاسٹ کی ملزمہ اور بھارتیہ جنتا پارٹی کی امیدوار پرگیہ سنگھ ٹھاکر پر الیکشن کمیشن کی جانب سے ان پر 72 گھنٹے کی انتخابی تشہیر پر پابندی لگائی ہے۔

پابندی کے بعد مدھیہ پردیش کے بھوپال پارلیمانی حلقہ سے بی جے پی کی امیدوار نے اب خاموشی اختیار کرکے مندروں میں درشن کرنے کا سلسلہ شروع کر دیا ہے۔ ذرائع کے مطابق محترمہ ٹھاکر نے خاموشی اختیار کر لی ہے۔ وہ اب مختلف مندروں میں درشن کر کے پوجا کریں گی ۔پابندی کے پہلے دن پرگیہ ٹھاکر نے مقامی بھوانی مندر پہنچ کر درشن کئے۔
پارٹی نے اس کے علاوہ ان کی کہانی کو ایک کتابچہ سادھوی کی جدوجہد کی کہانی کے طور پر شائع کروایا ہے۔ اسے اب گھر گھر تک پہنچا کر پارٹی لوگوں کے درمیان پہنچ رہی ہے۔
مسٹر ٹھاکر پر الیکشن کمیشن نے سخت موقف اپناتے ہوئے ان کی انتخابی مہم یا ریلی کرنے پر 72 گھنٹے کی پابندی لگا دی ہے۔ ٹھاکر کی جانب سے پولیس افسر ہیمنت کرکرے اور ایودھیا میں متنازعہ ڈھانچے کے متعلق دیے گئے بیانات کے معاملے میں کمیشن نے یہ پابندی عائد ہے۔ پابندی آج صبح چھ بجے سے 72 گھنٹوں کے لئے لگائی گئی ہے۔