اورنگ آباد: طویل عرصے کے بعد پاسپورٹ آفس میں کام شروع

کورونا وبا کے سبب مارچ کے ماہ سے بند اورنگ آباد پاسپورٹ آفس کو دوبارہ کھول دیا گیا ہے۔ پاسپورٹ آفس کے ذمہ داران کا کہنا ہے کہ کورونا کا خیال کرتے ہوئے محدود پیمانے پر ہی درخواستیں قبول کی جائیں گی۔

ریاست مہاراشٹر کے شہر اورنگ آباد میں نو ماہ کے بعد دوبارہ پاسپورٹ آفس کھول دیا گیا ہے۔ کورونا وبا کے دوران یہ آفس مارچ کے ماہ سے بند تھا۔ اورنگ آباد کے پاسپورٹ آفس میں روزانہ 30 سے 40 درخواستوں پر ہی غور کیا جاتا ہے۔

اورنگ آباد: طویل عرصے کے بعد پاسپورٹ آفس میں کام شروع

کورونا وبا کے سبب مارچ کے ماہ سے بند اورنگ آباد پاسپورٹ آفس کو دوبارہ کھول دیا گیا ہے۔ پہلے دن لوگوں کو زیادہ معلومات نہیں ہونے کی وجہ سے زیادہ بھیڑ نہیں رہی۔ لیکن پاسپورٹ آفس کے ذمہ داران کا کہنا ہے کہ کورونا کا خیال کرتے ہوئے محدود پیمانے پر ہی درخواستیں قبول کی جائیں گی۔

واضح رہے کہ پاسپورٹ آفس گذشتہ نو ماہ سے بند ہونے کی وجہ سے بیرون ملک جانے کے خواہشمند افراد کو کافی دشواریاں پیش آرہی تھیں۔

اورنگ آباد پاسپورٹ آفس کو دوبارہ کھول دیا گیا ہے

پاسپورٹ بنانے کے لیے انھیں ناسک دفتر کا رخ کرنا پڑ رہا تھا۔ لیکن اورنگ آباد سے آل انڈیا مجلس اتحاد المسلمین کے رکن پارلیمان سید امتیاز جلیل کی کامیاب کوشش کے سبب پاسپورٹ آفس اب دوبارہ کھول دیا گیا ہے۔ شہریان نے اس کا خیر مقدم کیا ہے۔