مہاراشٹر اسمبلی اجلاس کے دوران ایوان میں اس وقت گہما گہمی پیدا ہوگئی جب سماجوادی پارٹی کے رکن اسمبلی ابوعاصم اعظمی نے انجمن اسلام کو دی گئی سرکاری زمین پر غیر قانونی قبضے کا معاملہ اٹھایا۔
انجمن اسلام کا معاملہ ابوعاصم اعظمی نے اسمبلی میں اٹھایا ابو عاصم اعظمی نے ایوان میں کہا کہ شہر کے اس معروف تعلیمی ادارے پر غیر قانونی قبضہ کیا گیا ہے اور اس بارے میں کلیکٹر کو جواب دینا ہوگا۔
انہوں نے مزید کہا کہ 'برسراقتدار حکومت کے ایک رکن اسمبلی کے ذریعہ کلیکٹر پر دباؤ بنایا جا رہا۔ اس لیے وہ کسی بھی بات کا جواب دینے سے کترارہے ہیں۔
ابو عاصم اعظمی کے سوال پر کانگریس رکن اسمبلی امین پٹیل نے صفائی دیتے ہوئے کہا کہ مذکورہ جگہ قبرستان کے لیے مختص ہے۔
ان دونوں ارکان اسمبلی کے مابین نوک جھونک کو دیکھتے ہوئے ریاستی وزیر نواب ملک نے کہا کہ اس معاملے میں جلد ہی رپورٹ پیش کی جائے گی۔
