اورنگ آباد: عآپ کی جیت سے کارکنان میں جشن کا ماحول

دہلی میں عام آدمی پارٹی کی واضح اکثریت پر ریاست مہاراشٹر کے اورنگ آباد شہر میں پارٹی کے کارکنوں میں جشن کا ماحول دیکھا گیا۔

پارٹی کے علاقائی دفتر کے روبرو مٹھائیاں تقسیم کرکے خوشی کا اظہار کیا گیا، اسی طرح شہر میں بجرنگ چوک سے ایک بائک ریلی نکالی گئی جو مختلف راستوں سے گزر کر میونسپل کارپوریشن کے روبرو اختتام کو پہنچی۔

اس موقع پر عام آدمی پارٹی کے رہنماؤں نے دہلی کی جیت کو ملک کی سیاست میں انقلاب سے تعبیر کیا اور کہا کہ 'نفرت کی سیاست اب اس ملک میں نہیں چلنے والی۔'

عآپ کی جیت سے کارکنان میں جشن میں

دہلی کی جیت نے اورنگ آباد یونٹ کے حوصلے بلند کردیئے ہیں آنے والے میونسپل چناؤ میں عام آدمی پارٹی نے تمام ایک سو پندرہ وارڈوں میں پارٹی کے امیدوار کھڑے کرنے کا اعلان کردیاہے۔