سی اے اے کے خلاف جمعیت علمائے ہند کا یک روزہ اجلاس

ملک کے موجودہ حالات کے پیش نظر جمعیت علمائے ہند نے 23 فروری کو ممبئی کے آزاد میدان میں یک روزہ اجلاس کا انعقاد کرنے کا اعلان کیا ہے۔

اس اجلاس میں سی اے اے اور این آر سی کے تعلق سے ملک کے علماء اور دانشور اظہار خیال کریں گے۔

اجلاس کے سربراہ اور سابق رکن اسمبلی بشیر موسی پٹیل نے کہا کہ 'ہم سی اے اے اور این آر سی کی مخالفت کرتے ہیں کیونکہ یہ قانون ملک کے عوام کے درمیان نفرت پیدا کر رہا ہے۔ اجلاس کا مقصد یہی ہے کہ عوام کے درمیان اتحاد ہو۔'

اجلاس میں لاکھوں لوگوں کی شرکت کی امید جتائی جا رہی ہے جس کو لے کر 2000 سے زائد لوگوں کے لئے ممبئی کے مسافر خانے میں قیام کا انتظام کیا گیا ہے۔

اس اجلاس کو لے کر منتظمین نے ریاست کے وزیر داخلہ سے اور نائب وزیر اعلی سے ملاقات کی ہے تاکہ اجلاس میں نظم و نسق کو لے کر کسی طرح سے کوئی دقت پیدا نہ ہو۔