ریاست مہاراشٹر کے شہر مالیگاؤں میں پوارواڑی پولیس اسٹیشن کی حدود میں واقع مولانا عمرین چوک میں رہائش پذیر اشتیاق احمد محمد سلیم عمر 40 برس جو پیشے سے ٹیلر ہے، گذشتہ روز پوارواڑی پولیس اسٹیشن میں کارپوریٹر کے خلاف شکایت درج کرائی ہے کہ کارپوریٹر محمد امین محمد فاروق نے جعفرنگر نعمت سیٹھ کے شاپنگ کے سامنے اس کے سر پر اسٹیل کی راڈ سے حملہ کرکے شدید طور پر زخمی کردیا ہے۔
موصول اطلاع کے مطابق، گذشتہ روز سوشل میڈیا پر ایک ویڈیو وائرل ہوئی تھی جس میں اشتیاق احمد نامی شخص شدید طور پر زخمی نظر آرہا ہے۔
یہ بھی پڑھیں:
اشتیاق احمد نے بتایا کہ کارپوریٹر محمد امین آئے دن کپڑوں کی سلائی کو لے کر تکلیف دیا کرتا تھا اور بقیہ پیسے کو لے کر ہی مارپیٹ ہوئی ہے۔
فریادی اشتیاق احمد کے بقیہ پیسے طلب کرنے پر کارپوریٹر محمد امین نے ناراضگی کا اظہار کرتے ہوئے اس سے مارپیٹ کی اور شدید طور پر زخمی کردیا۔
اس سلسلے میں پوارواڑی پولیس نے ملزم محمد امین اور اس کے ایک ساتھی مزمل نامی شخص کے خلاف مختلف سنگین دفعات کے تحت مقدمہ درج کر لیا ہے اور زخمی اشتیاق احمد کو مالیگاؤں کے سوات ہاسپیٹل میں داخل کرایا گیا ہے جہاں اس کا علاج چل رہا ہے۔
اس سلسلے میں پولیس نے دفعہ 34/506/323/307/32/2021 کے تحت مقدمہ درج کر لیا ہے۔
