مالیگاؤں میں ایک ہی دن میں کورونا کے 82 کیسز

مہاراشٹر کے مسلم اکثریتی شہر مالیگاؤں میں کورونا متاثرین کی تعداد میں دن بہ دن اضافہ ہوتا جارہا ہے اور اب تک اس وبا سے ایک درجن سے زائد افراد اس دنیا سے رخصت ہوچکے ہیں۔-

مالیگاؤں میں 82 نئے کیسز کے ساتھ اب تک کورونا سے متاثر مریضوں کی تعداد 253 ہوگئی ہے جبکہ پورے ضلع میں کورونا سے متاثر مریضوں کی تعداد 276 ہے۔

حالانکہ گزشتہ روز ریاستی وزیر صحت راجیش ٹوپے نے مالیگاؤں شہر کا دورہ کیا تھا اور شہری انتظامیہ کے ساتھ اس تعلق سے ایک میٹنگ کی تھی۔ میٹنگ میں شہر کے موجودہ حالات، دوائیوں کی فراہمی، طبی سہولیات، پورٹیبل ایکسرے اور نمونیا جیسی بیماری کی جانچ وغیرہ کے بارے میں تبادلۂ خیال کیا گیا۔

حیران کن بات یہ ہے کہ ان 82 کورونا پازیٹیو مریضوں میں سے 15 پولیس اہلکار اور ایک تین ماہ کا بچہ بھی شامل ہے۔

واضح رہے کہ شہر کا بڑا طبقہ غریب مزدوروں کا اور ان کی روزی روٹی کا واحد ذریعہ پاورلوم صنعت سے لیکن لاک ڈاؤن اور بے روزگاری کے سبب شہر کے عوام سخروں پر نکلنے کو مجبور ہوگئے ہیں۔