انڈیا بک آف ریکارڈ میں نام درج کروانے والا غیرمعمولی یادداشت رکھنے والا طالب علم

آرین شیٹر نے لاک ڈاؤن میں اپنی یادداشت کی صلاحیت کو بڑھا کر آن لائن مقابلے میں حصہ لے کر انڈیا بک آف ریکارڈ میں اپنا نام درج کروایا۔

کرناٹک کے رہنے والے چھ سالہ آرین نے غیرمعمولی یادداشت کی مہارت کے ساتھ اپنا نام انڈیا بک آف ریکارڈ میں درج کروایا۔

یہ لڑکا 185 الفاظ کے متضاد الفاظ لکھ سکتا ہے۔ الٹی گنتی بڑی تیزی کے ساتھ سنا سکتا ہے۔ اس صلاحیت کو اس کے ماں باپ نے لاک ڈاون کے دوران فروغ دینے کی کوشش کی۔ یہ لڑکا اپنی کلا س کا ہونہار طالب علم ہے ۔

اس نے اس سے پہلے بھی کئی مقابلوں میں حصہ لے کر انعامات اپنے نام کیے ہیں ۔

ماں باپ کا کہنا ہیکہ ہم اپنے بیٹے پر فخر محسوس کرتے ہیں ۔ انہوں نے مزید کہا کہ ہر بچے میں کچھ نہ کچھ صلاحیت موجود ہوتی ہے۔ یہ ماں باپ پر منحصر ہیکہ وہ بچے کی صلاحیت کو پہچان کر اس میں اسے ماہر بنائے۔