گلدستہ دینے والے شخص پر 5000 کا جرمانہ

پورے ملک میں پلاسٹک پر پابندی ہے اور حکومت اور سرکاری اہلکار عوام سے اپیل کررہے ہیں کہ وہ مسلسل پلاسٹک کا استعمال نہ کریں، لیکن مہاراشٹر کے اورنگ آباد میں میونسپل کارپوریشن کے ایک افسر کو پلاسٹک کے استعمال پر 5000 روپے جرمانہ ادا کرنا پڑا۔

ایک جانب جہاں پورے ملک میں پلاسٹک پر پابندی عائد ہے اور حکومت عوام سے اپیل کررہے ہیں کہ وہ مسلسل پلاسٹک کا استعمال نہ کریں، لیکن مہاراشٹر کے شہر اورنگ آباد میں میونسپل کارپوریشن کے ایک افسر کو پلاسٹک کے استعمال پر 5000 روپئے جرمانہ ادا کرنا پڑا۔

دراصل چند روز قبل آئی اے ایس افسر آستیک کمار پانڈے نے مہاراشٹر کے شہر اورنگ آباد میونسپل کارپوریشن (اے ایم سی) کے کمشنر کا عہدہ سنبھالا ہے۔

اس موقع پر شہر کے کئی میونسپل کارپوریشن افسران آستیک پانڈے کو مبارکباد دینے پہنچے تھے، اسی طرح اورنگ آباد میونسپل کارپوریشن کے ایک افسر رام چندر مہاجن ایک گلدستہ لے کر کمشنر کے دفتر پہنچ گئے۔

لیکن رام چندر مہاجن یہ گلدستہ ایک پلاسٹک کیری بیگ میں ڈال کر کمشنر کے دفتر میں پہنچے تھے اور اسی بات سے ناراض ہوکر کمشنر نے پلاسٹک کی کیری بیگ استعمال کرنے پر مہاجن کو پانچ ہزار روپئے کا جرمانہ بھرنے کا حکم دیا۔

مہاجن کو موقع پر ہی پانچ ہزار روپئے ادا کرنا پڑے اور اس وقت مہاجن کو پانچ ہزار روپئے جرمانہ ادا کرنے کی رسید بھی دی گئی۔ جرمانے کی وصولی کی ہوئی رسید اب سوشل میڈیا پر تیزی سے وائرل ہورہی ہے۔

میونسپل کمشنر نے بتایا ہے کہ گاندھی جی نے کہا تھا کہ اگر کچھ بدلنا ہے تو خود اپنے سے ہی شروع کرنا چاہیے اسی لیے اورنگ آباد میونسپل کارپوریشن کے افسر کی غلطی پر اسے پانچ ہزار روپئے کا جرمانہ ادا کرنا پڑا۔

میونسپل کمشنر نے اورنگ آباد کی عوام سے اپیل کی ہے کہ وہ پلاسٹک کا استعمال نہ کرے اور نہ ہی خرید و فروخت کے دوران اس کا استعمال کیا جائے۔