اورنگ آباد کے صنعتی علاقہ والوج میں چاردن کا کرفیو

مہاراشٹر کے اورنگ آباد کے صنعتی علاقہ والوج میں کورونا مریضوں کی تعداد میں اضافہ ہورہا ہے۔جسے دیکھتے ہوئے ضلع کلکٹر کی جانب سے چار دن کا کرفیو لگایا جارہا ہے ۔

اورنگ آباد کے صنعتی علاقے والوج میں چار دن کے لیے مکمل کرفیو نافذ کیا جارہا ہے، یہ کرفیو چار جولائی سے بارہ جولائی تک نافذ رہے گا اس بات کی اطلاع میڈیا سے بات کرتے ہوئے ضلع کلکٹر اودے چودھری نے دی ۔

اس موقع پر ضلع کلکٹر نے واضح کیا کہ صنعتی علاقے میں کورونا مریضوں کی بڑھتی تعداد کو دیکھتے ہوئے عوامی نمائندوں کے مطالبے پر یہ فیصلہ کیا گیا ہے۔

واضح رہے والوج کی بجاج کمپنی میں دیڑھ سو کے قریب پازیٹیو مریض پائے گئے جن میں سے دو ہلاک ہوچکے ہیں ۔