مہاراشٹر کے خطہ مراٹھواڑہ میں گزشتہ 24 گھنٹوں کے دوران کووڈ-19 کے 384 نئے کیسز اور 15 مریضوں کے فوت ہونے کی اطلاعات ہیں۔ ہیلتھ افسران نے بدھ کے روز یہ اطلاع دی۔
تفصیلات کے مطابق گزشتہ 24 گھنٹوں کے دوران خطہ کے آٹھ اضلاع میں ضلع بیڑ کورونا وائرس سے سب سے زیادہ متاثر رہا جہاں 170 نئے کیسز رپورٹ ہوئے اور چھ افراد کی موت ہوگئی۔
اس کے بعد ضلع اورنگ آباد میں 91 نئے کیسز اور تین اموات، ضلع جالنہ میں 11 نئے کیسز اور تین افراد کی موت، ضلع لاتور میں 29 نئے کیسز اور دو اموات، ضلع پربھنی میں 25 نئے کیسز اور ایک شخص کی موت ہوگئی۔ اسی طرح ضلع عثمان آباد میں 53 اور ضلع ہنگولی میں پانچ نئے کیسز درج ہوئے ہیں۔ تاہم ادھر ضلع ناندیڑ میں ابھی تک کوئی کیس سامنے نہیں آیا ہے۔
یہ بھی پڑھیں:مضمون نویسی مقابلوں میں درجنوں بچوں نے اپنی صلاحیتوں کا مظاہرہ کیا
یو این آئی