Andheri By Election 2022 اندھیری ضمنی انتخابات میں 31.74 فیصد پولنگ

مہاراشٹر کی اندھیری ایسٹ اسمبلی سیٹ پر ضمنی انتخاب میں 31.74 فیصد ووٹنگ ہوئی ہے۔ ووٹوں کی گنتی 6 نومبر کو ہوگی۔ Andheri By Election Total Voting

ممبئی: مہاراشٹر کے اندھیری ایسٹ اسمبلی ضمنی انتخاب میں 31.74 فیصد پولنگ ہوئی ہے۔ حکام نے جمعرات کو یہ اطلاع دی۔ ووٹنگ صبح 7 بجے شروع ہوئی۔ ضمنی انتخابات میں ادھو ٹھاکرے کی قیادت والے شیو سینا دھڑے کی رتوجا لٹکے سمیت سات امیدوار انتخابی میدان میں ہیں۔ ضمنی انتخاب کے نتائج کا اعلان 6 نومبر کو کیا جائے گا۔ Andheri East By Election 2022

رتوجا لٹکے کو گزشتہ ماہ بھارتیہ جنتا پارٹی (بی جے پی) کے امیدوار کے انتخابی میدان سے دستبردار ہونے کے بعد آسان جیت درج کرنے کی امید ہے۔ اس سال مئی میں رتوجا لٹکے کے شوہر اور شیوسینا کے ایم ایل اے رمیش لٹکے کی موت کی وجہ سے یہ ضمنی انتخابات ہوئے۔

شیو سینا کی امیدوار رتوجا رمیش لٹکے کے ساتھ بالا نادر، منوج نائک، نینا کھیڈیکر، فرحانہ سراج سید، ملند کامبلے اور راجیش ترپاٹھی انتخاب لڑ رہے ہیں۔ شیوسینا کی امیدوار رتوجا رمیش کے خلاف چھ امیدوار میدان میں ہیں، جن میں سے چار آزاد ہیں۔

یو این آئی