فلم منا بھائی کی طرز پر امتحان دینے والے 11 امیدوار گرفتار

ریاست مہاراشٹرا کے شہر ممبئی کے پوئی علاقے میں اورم آئی ٹی پارک میں اسٹاف سلیکشن کمیشن کے امتحان کے دوران فلم منا بھائی کی طرز پر امتحان میں نقل کرتے ہوئے 11 امیدواروں کے خلاف ممبئی کے پوئی پولیس تھانے نے معاملہ درج کیا گیا ہے۔

پولیس کا الزام ہے کہ ان 11 امیدواروں کو امتحان کے دوران بلیو ٹوتھ، ہینڈ فری مائیکروفون کا استعمال کرتے ہوئے پکڑا گیا جس کے بعد امتحان سینٹر کی انتظامیہ نے انکے خلاف مقامی پولیس تھانے میں معاملہ درج کرایا۔

ملزمین کو پولیس نے گرفتار کر لیا ہے اور مقامی عدالت میں پیش بھی کیا جہاں کورٹ نے انھیں ایک دن کی پولیس حراست میں رکھنے کا حکم دیا ہے۔

پولیس کی تفتیش میں اس بات کا پتہ چلا ہے کہ گرفتار ملزمین نے بالی وڈ فلم منا بھائی ایم بی بی ایس میں اداکار سنجے دت کے ذریعہ نقل کرنے کے لئے استعمال کئے گئے طریقہ کار کو اپنایا تھا لیکن بالی وڈ اور اصل زندگی کو سمجھنے میں غلطی کر دی اور جیل پہنچ گئے۔