یوتھ کانگریس کی جانب سے اس سلسلے میں ایک کینڈل مارچ بھی نکالا گیا۔
جموں و کشمیر کے ضلع پلوامہ میں دو برس قبل 14 فروری 2019 کو سی آر پی ایف کے جوانوں پر عسکریت پسندوں نے حملہ کر دیا تھا۔
اس میں چالیس سے زیادہ فوجی اہلکار ہلاک ہوگئے تھے۔
آج ان کی دوسری برسی کے موقع پر مدھیہ پردیش کے اندور میں یوتھ کانگریس نے کینڈل مارچ نکالا کر خراج عقیدت پیش کیا۔
یوتھ کانگریس کے صدر رمیز خان نے کہا کہ آج کا دن کالے دن کے طور پر منایا جا رہا ہے کیونکہ آج ہی کے دن اس دیش نے فوجیوں کو کھویا تھا۔
مزید پڑھیں:پلوامہ حملے کے دو سال مکمل
اس وقت مرکزی حکومت نے کہا تھا کہ ہم عسکریت پسندوں نہیں چھوڑیں گے، ایک جوان کے بدلے دس جوانوں کے سر لے کر آئیں گے مگر آج بھی فوجیوں کے اہل خانہ انصاف کا انتظار کر رہے ہیں۔
انھوں نے کہا کہ ہم حکومت سے مطالبہ کرتے ہیں کہ جلد سے جلد جو بھی اس بزدلانہ حملے کی سازش میں شامل تھا۔ ان کو سخت سے سخت سزا دی جائے۔
