بھوپال: مدھیہ پردیش قانون ساز اسمبلی کا سرمائی اجلاس آج سے شروع ہوگا جو پانچ دن تک چلے گا۔ ایوان کا اجلاس صبح 11 بجے سے شروع ہو گا اور پہلے دن مرحوم سابق اراکین اور دیگر معززین کو خراج عقیدت پیش کیا جائے گا۔ اس کے علاوہ ایجنڈے میں شامل دیگر موضوعات بھی اٹھائے جانے کا امکان ہے۔ اسمبلی اسپیکر گریش گوتم نے اجلاس کی تیاریوں سے متعلق انتظامات کا بھی مشاہدہ کیا۔ اس موقع پر اسمبلی کے پرنسپل سکریٹری اے پی سنگھ بھی موجود تھے۔ Five Day Winter Session os MP Assembly
اجلاس کے دوران اپوزیشن بدعنوانی، ریاست میں امن و امان کی بگڑتی صورتحال جیسے مختلف مسائل پر حکومت پر حملہ کرے گی۔ ساتھ ہی، حکمراں جماعت اور اپوزیشن کے قانون سازوں نے وزراء سے 1506 سوالات پوچھے ہیں۔ دوسری جانب حکومت نے اپوزیشن کے ہر حملے کا جواب دینے کی مکمل تیاریاں کر لی ہیں۔ پارلیمانی امور کے وزیر نروتم مشرا کا کہنا ہے کہ حکومت اپوزیشن کے ہر سوال کا جواب دینے کے لیے تیار ہے۔