وشنودت شرما بی جے پی کے مدھیہ پردیش صدر مقرر

بھارتیہ جنتا پارٹی (بی جے پی) کی مرکزی تنظیم نے آج پارٹی کے کھجوراہو سے رکن ِ پارلیمان وشنو دت شرما کو مدھیہ پردیش بی جے پی کا صدر مقرر کیا ۔

اس سلسلے میں جاری حکم نامہ کے مطابق یہ تقرری فوری طور پر نافذ ہو گئی ۔ شرما سبکدوش ہونے والے ریاستی صدر راکیش سنگھ کی جگہ لیں گے ۔

وشنو دت شرما اکھل بھارتیہ ودیارتھی پریشد سے برسوں تک منسلک رہے اور اس وقت وہ بی جے پی کے ریاستی جنرل سکریٹری تھے ۔ ان کی نوجوانوں میں پورے ملک میں اچھی گرفت مانی جاتی ہے ۔

وشنودت شرما بی جے پی کے مدھیہ پردیش صدر مقرر

شرما کی تقرری سے خیال کیا جا رہا ہے کہ مرکزی تنظیم اب ریاست میں نوجوان قیادت کو آگے بڑھائے گی ۔ شرما گزشتہ برس ہوئے لوک سبھا انتخابات میں کھجوراہو سے رکن پارلیمان منتخب ہوئے ہیں ۔