دو نکسلی پولیس کے ہاتھوں ہلاک

مدھیہ پردیش کے ضلع بالا گھاٹ کے جنگل میں ہوئے تصادم میں ایک خاتون سمیت دو نکسلیوں کو ہلاک کیا گیا۔

مدھیہ پردیش کے لانجی علاقے کے نیور گاؤں میں گزشتہ رات پولیس اور نکسلیوں کے درمیان تصادم ہو گیا، جس میں پولیس نے پانچ مسلح اور وردی پوش نکسلیوں میں سے ایک خاتون سمیت دو نکسلیوں کو مار گرایا، جن کی لاشوں کو برآمد کر لیا گیا ہے۔

پولیس کی ابتدائی تحقیقات میں مارے گئے نکسلیوں کی اب تک شناخت نہیں ہو سکی ہے۔
بالاگھاٹ کے آئی جی وینکٹیشور نے بتایا کہ تصادم میں چار مرد اور ایک خاتون شامل تھی۔ جن میں سے تین نکسلی فرار ہو گئے ہیں، جن کی تلاش کے لیے جنگلوں میں سرچ آپریشن چلایا جارہا ہے۔ پولیس نے لاشوں کو پوسٹ مارٹم کے لیے بھیج دیا ہے۔