دوبچوں کی کنویں میں گرنےسے موت

مدھیہ پردیش کے شہڈول ضلع کے سنگھ پور تھانہ علاقے کے بوڑری گاؤں کے پاس ایک کھیت میں بنے کنویں میں گرنے سے دو بچوں کی موت ہوگئی۔

پولیس ذرائع کے مطابق شردھا پٹیل(8)اور راج کمار پٹیل(10) دیگر دو بچوں کے ساتھ کنویں کے پاس کھیل رہے تھے کہ گیند کنویں میں گرگئی۔ جسے نکالنے کی کوشش میں شردھا اور راج کمار کنویں میں گرگئے اور ڈوبنے لگے تو باقی دو بچوں نے شور مچایا۔

گاؤں والے دوڑے اور بچانے کی کوشش کی، پر تب تک دونوں بچوں کی موت ہوگئی تھی۔

پولیس نے بتایا کہ دونوں بچوں کی لاشیں پوسٹ مارٹم کے لیے بھیج دی گئی ہیں۔