اندور: ٹرک پلٹنے سے 6 مزدور زخمی

ضلع رائسین میں اندور سے للت پور جا رہا مزدوروں سے بھرا ٹرک الٹ گیا۔ اس حادثے میں 6 مزدور شدید زخمی ہوئے ہیں، جنہیں ڈسٹرکٹ ہسپتال میں داخل کرایا گیا ہے۔

ریاست مدھیہ پردیش کے اندور سے للت پور جارہا مزدوروں سے بھرا ایک ٹرک بے قابو ہوکر الٹ گیا۔ اس حادثے میں 6 مزدور شدید زخمی ہوئے ہیں جنہیں ضلع ہسپتال میں داخل کرایا گیا ہے۔ وہیں انتظامیہ نے دوسرے مزدوروں کو بس کے ذریعے للت پور بھیجا ہے۔ بتایا جارہا ہے کہ ٹرک میں 60 مزدور سوار تھے۔

موصولہ اطلاع کے مطابق اندور کے ٹھیکیدار دیوی سنگھ کے اینٹ بھٹے پر کام کرنے والے 60 مزدوروں کو ٹرک کے ذریعہ اتر پردیش کے للت پور روانہ کیا گیا۔ مزدوروں سے بھرا ٹرک صبح چار بجے سانچی کے قریب سلامت پور تیراہے پر پہنچا، جہاں اچانک ڈرائیور نے کنٹرول خو دیا اور ٹرک الٹ گیا۔ اس حادثے میں 6 مزدور شدید زخمی ہوگئے۔

حادثے کی اطلاع ملنے پر سانچی پولیس اور انتظامی اہلکار موقع پر پہنچ گئے۔ حادثے میں زخمی مزدوروں کو سانچی ہسپتال لایا گیا، جہاں پرائمری علاقے کے بعد چھ مزدوروں کو ودیشہ ضلع ہسپتال ریفر کردیا گیا۔ وہیں کچھ مزدوروں کو معمولی چوٹ آئی ہے۔ جن کو علاج کے بعد انتظامیہ نے بس سے للت پور کے لیے روانہ کر دیا۔