گونا ضلع کے اکاواڈ کھرد گاؤں کا رہنے والا قبائلی شخص وجئے سہاریہ کا گاؤں کے ایک اور شخص سے مالیاتی تنازعہ چل رہا تھا، جس کے بعد اسے زندہ جلادیا گیا۔ واقعہ کے بعد وجئے سہاریہ کو ڈسٹرکٹ ہسپتال منتقل کیا گیا جہاں اس نے دم توڑ دیا۔
ہسپتال میں پولیس کو دیئے گئے بیان میں وجئے سہاریہ نے مقامی شخص رادھے شام لودھا پر الزام عائد کیا۔
ریاستی وزیراعلیٰ شیوراج سنگھ چوہان نے واقعہ پر دکھ کا اظہار کرتے ہوئے تحقیقات کا حکم دیا ہے۔ وزیراعلیٰ نے مزید کہا کہ وہ متاثرہ خاندان سے ملاقات کرکے اور انہیں انصاف دلانے کے اقدامات کریں گے۔ انہوں نے کہا کہ حکومت کسی کے ساتھ ناانصافی ہونے نہیں دے گی جبکہ ریاستی حکومت نے قبائل کےلیے بھی ایک قانون بنایا ہے۔
واقعہ کے بعد کانگریس نے شیوراج حکومت کو تنقید کا نشانہ بنایا اور کہا کہ ریاست میں امن و ضبط کی صورتحال ابتر ہوگئی ہے۔
