مدھیہ پردیش کے سنگرولی علاقہ میں دو مال گاڑیوں کے ٹکرانے سے 3 افراد کی موت ہوگئی ہے۔ حادثہ کے بعد ریل ٹریفک متاثر ہونے کی خبر ہے۔
ریلوے افسران کے مطابق سنگرولی علاقہ میں واقع نیشنل تھرمل پاور کارپوریشن (این ٹی پی سی)کے ریہند علاقہ کے پاس دو مال گاڑیاں ٹکرا گئیں۔اس وجہ سے دونوں گاڑیوں کے ڈرائیور اور ان کے ساتھی کی ہلاکت کی خبرہے۔
ابتدائی تحقیقات میں بتایا گیا کہ امرولی سے ریہند این ٹی پی سی آ رہی کوئلہ سے بھری مال گاڑی اور ریہند این ٹی پی سی میں کوئلہ خالی کرکے واپس امرولی ایم جی آر جا رہی مال گاڑی میں صبح آمنے سامنے کی ٹکر ہو گئی۔ جسس کی وجہ سے اس ٹریک پر ریل ٹریفک متاثر ہو نے کے ساتھ ہی دو لوکو پائلٹ سمیت تین افراد کی موت ہوگئی۔
ریل انتطامیہ نے پٹری کی مرمت کا کام شروع کر دیا ہے۔ ریلوے انتطامیہ نے حادثہ کی تحقیقات کا حکم دیا ہے۔
