ودیشا: مدھیہ پردیش کے ودیشا ضلع کے تین صحافیوں کی پڑوسی ضلع رائے سین کے سلامت پور تھانہ علاقے میں سڑک حادثے میں موت ہو گئی۔ پولیس ذرائع کے مطابق ودیشا کے صحافی راجیش شرما، سنیل شرما اور نریندر دکشت رات دیر گئے ٹووھیلر سے ودیشا واپس آ رہے تھے کہ ایک نامعلوم گاڑی نے ان کی گاڑی کو ٹکر مار دی۔ جس کی وجہ سے تینوں کی موت ہو گئی۔ تینوں کی لاشیں رائے سین ضلع کے سانچی اسپتال میں رکھی گئی ہیں جہاں لاشوں کا پوسٹ مارٹم کیا جائے گا۔ three journalist died in road accident in mp
ودیشا ضلع کے تین صحافیوں کی سڑک حادثے میں موت
وزیراعلیٰ شیوراج سنگھ چوہان، ریاستی بی جے پی صدر وشنودت شرما، کئی وزراء اور کانگریس لیڈروں نے بھی تینوں صحافیوں کی موت پر تعزیت کا اظہار کیا ہے اور انہیں خراج عقیدت پیش کیا ہے۔