سڑک حادثے میں ایک ہی خاندان کے تین افراد ہلاک

مدھیہ پردیش کے ضلع رتلام میں اجمیر سے لوٹ رہے زائرین کی گاڑی سڑک کے کنارے کھڑی ہوئی ٹرک سے ٹکرا گئی جس کے نتیجے میں تین افراد ہلاک اور دیگر پانچ زخمی ہو گئے۔

ریاست مہاراشٹر کے شہر بھیونڈی کا ایک خاندان اس وقت حادثہ کا شکار ہو گیا جب وہ اجمیر شریف درگاہ کی زیارت کر کے واپس لوٹ رہا تھا۔

حادثہ اس وقت پیش آیا جب ڈرائیور کی لاپرواہی سے رتلام ہائی وے فورلینڈ روڈ پر چک لیا ٹول ناکا کے قریب کھڑی ہوئی ٹرک سے ان کی گاڑی ٹکرا گئی۔

اس حادثے میں شفیع محمد شیخ کے خاندان کے تین لوگوں کی موقع پر ہی موت ہوگئی 5 افراد شدید طور پر زخمی ہوگئے۔

حادثہ اتنا شدید تھا کہ گاڑی کے پرخچے اڑ گئے۔

حادثے میں جہاں 3 لوگوں کی موت ہوئی وہیں ایک کمسن بچی کو معجزاتی طور پر کسی بھی قسم کی چوٹ نہیں آئی۔