Career Promotion Society Program: مسلم ایجوکیشن اینڈ کریئر پرموشن سوسائٹی کی جانب سے پروگرام

مدھیہ پردیش کی فعال تنظیم مسلم ایجوکیشن اینڈ کریئر پرموشن سوسائٹی دارالحکومت بھوپال میں گزشتہ 35 برسوں سے تعلیمی میدان میں خدمات انجام دے رہی ہے، مذکورہ تنظیم خاص طور پر مسلم بچوں میں تعلیم کو فروغ دینے کے لئے سرگرم ہے۔ Muslim Education and Career Promotion Society

بھوپال کی فعال تنظیم مسلم ایجوکیشن اینڈ کیریئر پرموشن سوسائٹی کی جانب سے ضرورت مند بچوں کی تعلیم کے لیے مفت کتابیں دینے کے ساتھ انہیں کریئر گائیڈنس اور اسکالرشپ دی جاتی ہے تاکہ کوئی بھی بچہ مالی مجبوری کے سبب تعلیم سے محروم نہ رہے۔ ریاست مدھیہ پردیش کی فعال تنظیم مسلم ایجوکیشن اینڈ کیریئر پرموشن سوسائٹی بھوپال میں گزشتہ 35 سالوں سے تعلیمی میدان میں خدمات انجام دے رہی ہے، مذکورہ تنظیم خاص طور پر مسلم بچوں میں تعلیم کو فروغ دینے کے لئے سرگرم ہے۔

اس تنظیم کا مقصد یہ ہے کہ کوئی بھی بچہ مالی تنگی کے سبب تعلیم سے دور نہ رہے، یہی وجہ ہے کہ اس تنظیم کے ذریعہ ایسے بچوں کا انتخاب کیا جاتا ہے جو واقعی مستحق ہیں اور ایسے بچوں کو تنظیم کی جانب سے وظیفہ بھی دیا جاتا ہے، تاکہ وہ اپنی پڑھائی جاری رکھ سکیں۔ مذکورہ تنظیم کی جانب سے طلباء کے والدین کے لئے کریئر کونسلنگ کا سلسلہ بھی شروع کیا ہے تاکہ بچے اپنا صحیح راستے کا انتخاب کر کامیابی حاصل کریں۔

پروگرام میں آئے مہمان نے بھی تنظیم کے اس قدم کی ستائش کرتے ہوئے خوشی کا اظہار کیا کہ آج کے وقت میں مسلم لڑکیاں تعلیمی میدان میں آگے آ رہی ہیں، جس طرح سے خواتین آگے آرہی ہے اس سے ملک اور قوم کو بہت فائدہ ہو جائے گا۔ مسلم ایجوکیشن اینڈ کریئر پرموشن سوسائٹی سے مستفیذ طالبات کا کہنا ہے کہ تنظیم کا یہ قدم بہت اچھا ہے اور ہم لگاتار اس سے فائدہ اٹھا رہے ہیں اور آگے بڑھ رہے ہیں۔

گزشتہ کئی برسوں سے تعلیمی میدان میں کام کر رہی اس تنظیم نے بڑی تعداد میں اسکالرشپ کے ذریعے مسلم طلباء کی مدد کرنے کام کیا ہے اور اب ان طالبات کی مدد کی جا رہی ہے جو کورونا وبا کے سبب تعلیم سے دور ہوگئے ہیں۔ ایسے طلبا کی تنظیم کے ذریعہ مدد کا کام کیا جا رہا ہے تاکہ ان کی تعلیم بخوبی جاری رہے-