Madhya Pradesh Floods حکومت سیلاب متاثرین کی مدد میں کوئی کسر نہیں چھوڑے گی، شیوراج

شیو راج سنگھچوہان شام دیر گئے ہیلی کاپٹر کے ذریعے مورینا پہنچے اور مورینا ضلع ہیڈکوارٹر سے تقریباً 40 کلومیٹر دور امباہ کے نزدیک گاؤں کتھیانہ پہنچے اور ریلیف کیمپوں میں مقیم لوگوں سے بات چیت کی۔ انہوں نے ریلیف کیمپوں میں مقیم لوگوں کو یقین دلایا کہ گھبرانے کی ضرورت نہیں ہے۔ مشکل کی گھڑی میں پوری حکومت اور وہ خود آپ کے ساتھ کھڑے ہیں۔ آپ کو ہونے والے ہر نقصان کی تلافی کی جائے گی۔ State govt stands with people in this hour of crisis

مدھیہ پردیش کے وزیر اعلی شیوراج سنگھ چوہان نے کہا کہ مورینا، بھنڈ اور شیوپور کے تقریباً 100 گاؤں سیلاب سے متاثر ہیں۔ ریاستی حکومت متاثرین کی ہر ممکن مدد کے لیے ان کے ساتھ کھڑی ہے۔ مصیبت بھی ہے، مشکل بھی ہے اور پریشانیاں بھی ہیں، لیکن اس سے گھبرانے کی ضرورت نہیں ہے۔

مسٹر چوہان شام دیر گئے ہیلی کاپٹر کے ذریعے مورینا پہنچے اور مورینا ضلع ہیڈکوارٹر سے تقریباً 40 کلومیٹر دور امباہ کے نزدیک گاؤں کتھیانہ پہنچے اور ریلیف کیمپوں میں مقیم لوگوں سے بات چیت کی۔ انہوں نے ریلیف کیمپوں میں مقیم لوگوں کو یقین دلایا کہ گھبرانے کی ضرورت نہیں ہے۔ مشکل کی گھڑی میں پوری حکومت اور وہ خود آپ کے ساتھ کھڑے ہیں۔ آپ کو ہونے والے ہر نقصان کی تلافی کی جائے گی۔ مسٹر چوہان نے کہا کہ متاثرہ لوگوں کو ریلیف کیمپوں میں لاکر ان کے لیے تمام انتظامات کیے جارہے ہیں۔

لوگوں سے بات چیت کرتے ہوئے وزیر اعلیٰ نے کہا کہ متاثرین کی مدد کے لیے مستقل اور عارضی کام کیا جائے گا۔ جلد ہی ضلعی انتظامیہ سیلاب سے متاثرہ علاقوں کا سروے کرے گی۔ انہوں نے افسران کو یہ بھی ہدایت کی کہ سروے کا کام پوری حساسیت اور شفافیت کے ساتھ کیا جائے۔ سروے میں نہ صرف گھر بلکہ جانوروں، کھانے پینے کی اشیاء اور فصلوں کا بھی سروے کیا جائے۔ سروے کی بنیاد پر جو بھی نقصان ہوا ہوگا، وہ مدھیہ پردیش حکومت متاثرین کو فراہم کرے گی۔

مسٹر چوہان نے لوگوں سے یہ بھی اپیل کی کہ جن گاووں میں ہر سال یا اکثر سیلاب کی صورتحال پیدا ہوتی ہے وہاں کے مکینوں کی رضامندی کی بنیاد پر انہیں اونچی جگہ پر بسانے کا کام بھی کیا جائے گا۔ ایسے مقامات پر لوگوں کو مکانات بنانے میں بھی مدد فراہم کی جائے گی۔ اس کے ساتھ ہی بجلی پانی اور بنیادی سہولیات بھی حکومت مہیا کرائے گی، انہوں نے یہ بھی کہا کہ مرکزی وزیر نریندر سنگھ تومر سے بھی بات چیت ہوئ ہے ، وہ خود بھی آپ کے درمیان پہنچیں گے۔ مرکزی حکومت اور ریاستی حکومت آپ کی مدد میں کوئی کسر نہیں چھوڑے گی۔

یواین آئی۔