کورونا وبا نے ملک میں اپنے پیر پھیلائے تو پورے ملک کے ساتھ بھوپال میں بھی بڑی تعداد میں لوگ کورونا سے متاثر ہوئے۔
حالات کے مدنظر ضرورت مندوں اور غریبوں کی مدد کے لیے لوگ آگے آئے جس میں دارالحکومت بھوپال کی تسنیم خان بھی شامل ہیں۔
کورونا کی وبا سے پہلے سے ہی تسنیم خان ضرورت مندوں کی ہر طرح کی مدد کرتی آرہی ہے۔ اور پچھلے 448 دنوں میں تسنیم خان کی ٹیم کے ذریعے ایک لاکھ لوگوں کو ان کی ضرورت کی اشیا پہنچانے کا کام کیا جس میں لوگوں کی سب سے ضروری شی راشن شامل ہے-
جیسے ہی کورونا وبا کی دوسری لہر نے بھوپال کو زد میں لیا تو تسنیم خان نے لوگوں کو راشن تقسیم کرنے کے ساتھ ساتھ ڈاکٹروں کی صلاح کے مطابق کورونا مریضوں کو کورونا دوائیوں کے کٹ بھی تقسیم کیے۔
واضح ریے کہ تسنیم خان خود اپنے بل بوتے پر لوگوں کی مدد کرنا شروع کی۔ لیکن جب ضرورت مندوں کی تعداد میں لاک ڈاؤن کے سبب اضافہ ہوا تو انہوں نے صاحب حیثیت لوگوں کی مدد کے ساتھ رمضان میں ملنے والے زکوۃ کو اس کام میں شامل کر کے لوگوں کی بڑے پیمانے پر مدد کر رہی ہے۔