مدھیہ پردیش میں طالبانی ثقافت نہیں چلے گی: نروتم مشرا

مدھیہ پردیش کے جبل پور میں سرے راہ ایک شخص کے ساتھ بے رحمی سے مارپیٹ کا ویڈیو وائرل ہونے کے واقعہ کے بعد وزیر داخلہ نروتم مشرا نے کہا کہ اس واقعہ کے دو ملزمین کو پولیس نے گرفتار کرلیا ہے۔

ریاستی وزیر داخلہ نروتم مشرا نے میڈیا سے بات چیت میں کہا کہ جبل پور میں آٹو ڈرائیور کے ساتھ مارپیٹ کے اس واقعہ میں پولیس نے دو ملزمین کو گرفتار کرلیا ہے۔ انہوں نے کہا کہ مدھیہ پردیش میں قانون راج ہے اور یہاں طالبانی ثقافت اور پٹھانی پیاز نہیں چلے گی۔

جبل پورمیں سڑک پر معمولی حادثے کے بعد جرائم پیشہ دو نوجوانوں نے آٹوڈرائیور کے ساتھ بے رحمی سے مارپیٹ کرنے اور بے سدھ حالت میں اسے موٹرسائکل پر لاد کر لے جانے کا ویڈیو کل شام سوشل میڈیا میں وائرل ہوا۔

دو دن پہلے اس واقعہ پر پولیس نے گزشتہ روز متاثر شخص اجیت وشوکرما کی رپورٹ پر ابھیشیک دوبے اور چندن سنگھ نام کے ملزمین کے خلاف معاملہ درج کرکے ان کی تلاش شروع کردی تھی۔

اس دوران وزیر داخلہ نے آج اطلاع دی کہ ملزمین کو گرفتار کرلیا گیا ہے۔