ریاست مدھیہ پردیش کے دارالحکومت بھوپال میں 22 نومبر یعنی بروز جمعہ سے بھوپال عالمی تبلیغی اجتماع کا آغاز ہوچکا ہے۔ جس میں ملک اور بیرون ملک سے جماعتوں کے آنے کا سلسلہ جاری ہے۔
وہی مضافاتی اینٹ کھیڑی میں صبح فجر سے لے کر عشاء تک اکابرین کے بیانات کا سلسلہ جاری رہا۔
ہر برس کی طرح رواں برس بھی بھوپال کی تنظیم سدبھاؤنا منچ کے ذمہ داران نے بھوپال میں آرہے افراد کا استقبال کیا۔
تنظیم کے ذمہ داران جس میں سبھی مذہب کے مذہبی رہنما شامل تھے نے اجتماع کے تعلق سے بتایا یا کہ ہر برس ہونے والے عالمی تبلیغی اجتماع کے ذریعے پوری دنیا میں انسانیت کو عام کرنے کی بات کہی جاتی ہے اور ہمارے لیے بڑی خوشی کی بات ہے کہ ہر برس بھوپال سے اجتماع کے ذریعے امن کا پیغام عام کیا جاتا ہے۔