'میری صبح کی شروعات آپ کی نئی ٹانگ سے ہوگی بھائی'

سونو سود کے کام اور کپل شرما شو میں سونو سود کی کہانی دیکھ کر دپیش نے اپنے ایک دوست سے سونو سود کو پیر لگوانے کے لئے ٹویٹ کروایا۔ اس ٹویٹ کے جواب میں سونو سود نے ری ٹویٹ کرتے ہوئے لکھا کہ 'میری صبح کی شروعات آپ کی نئی ٹانگ سے ہوگی بھائی۔'

بالی ووڈ اداکار سونوسود نے لاک ڈاؤن کے دوران خود کو اصل زندگی کا ہیرو ثابت کیا ہے۔

اداکار سونو سود نے آج ایک بار پھر ٹویٹر اکاؤنٹ پر ایک نوجوان کے ٹویٹ کو ری ٹویٹ کرتے ہوئے لکھا کہ 'میری صبح کی شروعات آپ کی نئی ٹانگ سے ہوگی بھائی۔'

دراصل دپیش کا فروری میں اندور سے واپس آتے وقت ایمبولینس سے ایکسیڈنٹ ہو گیا تھا جس میں اسے اپنی ایک ٹانگ گنوانی پڑی تھی۔ تقریباً ساڑھے تین لاکھ خرچ کر کے دپیش کے والدین نے اس کا علاج کروایا لیکن آپریشن کامیاب نہیں ہو سکا۔

اس کے بعد کورونا کے دور میں سونو سود کے کام اور کپل شرما شو میں سونو سود کی کہانی دیکھ کر دپیش نے اپنے ایک دوست سے سونو سود کو پیر لگوانے کے لئے ٹویٹ کروایا۔

'میری صبح کی شروعات آپ کی نئی ٹانگ سے ہوگی بھائی'

اس ٹویٹ کے جواب میں سونو سود نے ری ٹویٹ کرتے ہوئے لکھا کہ 'میری صبح کی شروعات آپ کی نئی ٹانگ سے ہوگی بھائی۔'

دوسرے ہی دن دپیش کو بھوپال کے ایک ادارے سے ٹانگ لگانے کے لئے فون بھی آ گیا۔

دپیش نے کہا کہ 'مجھے بہت خوشی ہے کہ میں اپنی بچی زندگی چل کر گزار سکوں گا۔'

انہوں نے ویڈیو کال کے ذریعہ سونو سود سے بات بھی کی اور ان کا شکریہ ادا کیا۔