سونیا، منموہن انتخابی مہم میں شامل ہوں گے

کانگریس کی عبوری صدر سونیا گاندھی اور سابق وزیر اعظم منموہن سنگھ سمیت کئی اہم سیاسی رہنما مدھیہ پردیش کے جھبوا ضمنی اسمبلی الیکشن کی انتخابی مہم میں حصہ لیں گے۔

کانگریس کی جانب سے آج یہاں مدھیہ پردیش کے چیف الیکٹورل افسر کو پارٹی کے 40 رہنماؤں کی فہرست دی جس میں محترمہ گاندھی اور ڈاکٹر سنگھ کے علاوہ سابق کانگریس صدر راہل گاندھی، مدھیہ پردیش کے وزیراعلیٰ کمل ناتھ،پارٹی کے جنرل سکریٹری اور ریاستی انچارج دیپک باوریا، سابق وزیراعلیٰ دگوجے سنگھ، سینیئر رہنما جیوتی رادتیہ سندھیا، سریش پچوری، اجے سنگھ، ارون یادو، وویک تنخہ شامل ہیں۔

علاوہ ازیں گجرات کانگریس کے ریاستی صدر امت چاؤڑا، گجرات اسمبلی میں اپوزیشن لیڈر پریش بھائی دھنانی کے ساتھ ہی ریاستی کابینہ کے اراکین میں بالابچن،سریندر بگھیل،کملیشور پٹیل،ہرش یادو،جے وردھن سنگھ،پریہ ورت سنگھ،جیتو پٹواری،وجے لکشمی سادَھو، سچن یادو،اومکار مکرام کے علاوہ ریاستی صدر اور گجرات کے کئی اراکین اسمبلی کے نام کانگریس کے اسٹار تشہیرکاروں کی فہرست میں شامل ہے۔