سماجی تنظیم انجمن اسلام بیت المال نے کل 1000 رمضان کٹ تیار کی ہے جس میں ماہ رمضان میں لگنے والے ضروری خوردنی اشیاء کے ساتھ ساتھ اخراجات کے لیے نقد بھی ہیں۔
تنظیم کے ایک زمہ دار کا کہنا ہے کہ انجمن اسلام بیت المال تنظیم گزشتہ 62 برسوں سے اس خیر کے کام کو انجام دے رہی ہے ابتدا میں دو چار لوگوں سے شروع ہوئی یا تنظیم آج شہر کی ایک اہم تنظیم بن گئی ہے۔
اس کٹ میں گیہوں, چاول, دال ,تیل اور نقد رقم کے علاوہ دیگر ضروریات کا سامان بھی موجود ہیں جو کہ پانچ افراد کے لیے کافی ہے۔
انجمن اسلام بیت المال کے ایک رکن عبدالرحمان نے بتایا کہ ابتدا میں دو چار لوگوں نے اس کو شروع کیا تھا مگر دھیرے دھیرے آج یہ اندور کی ایک اہم تنظیم بن گئی ہے۔
دیگر ایک رکن اسماعیل پٹیل نے بتایا کہ اس کار خیر کو انجام دینے سے تنظیم کے اراکین اس بات کی تفتیش کرتے ہیں کہ آیا شخص واقعی مستحق ہے بھی یا نہیں۔ اس کے لئے باقاعدہ طور پر فارم بھروایا جاتا ہے ہیں تاکہ اس کا فائدہ صرف اور صرف ضرورت مندوں کو ہی ملے۔
