بھوپال: لاک ڈاؤن کھلنے کے بعد دکانداروں کے لیے نئے احکامات

ڈی ایم نے کہا کہ 'دکاندار دکانوں میں کم تعداد میں لوگوں کو اندر آنے دیں اور جو لوگ آ رہے ہیں انہیں ماسک پہننا چاہیے۔ ساتھ ہی دکاندار کے ساتھ کام کرنے والوں کو بھی ماسک استعمال کرنا ضروری ہے۔ دکان میں آئے گاہکوں کے ہاتھوں کو سینیٹائز کرنے کے ساتھ دکان کو بھی صاف اور سینیٹائز رکھنا دکانداروں کی ذمہ داری ہوگی۔

ریاست مدھیہ پردیش کے دارالحکومت بھوپال میں لاک ڈاؤن کھولنے کے بعد شہر میں بڑھتی بھیڑ کو لے کر ضلع کلکٹر ترون پتھوڑے نے احکامات جاری کرتے ہوئے کہا کہ 'جو ہمیں مرکز اور ریاستی حکومت سے گائیڈ لائن دی گئی تھی اس کے مطابق دکانوں کو کھولا گیا ہے۔ لیکن جو دکانیں کھلی ہے وہاں زیادہ بھیڑ دیکھنے کو مل رہی ہے۔ جس کے لیے ہمیں احتیاط رکھنا ضروری ہے۔'

انہوں نے کہا کہ 'دکاندار دکانوں میں کم تعداد میں لوگوں کو اندر آنے دیں اور جو لوگ آ رہے ہیں انہیں ماسک لگا ہونا چاہیے۔ ساتھ ہی دکاندار کے ساتھ کام کرنے والوں کو بھی ماسک استعمال کرنا ضروری ہے۔ دکان میں آئے گراہکوں کے ہاتھوں کو سینیٹائز کرنے کے ساتھ دکان کو بھی صاف اور سینیٹائز رکھنا دوانداروں کی ذمہ داری ہوگی۔'

انہوں نے کہا کہ 'جس طرح سے شہر میں بھیڑ بڑھ رہی ہیں اس سے کورونا انفیکشن کا خطرہ بڑھ سکتا ہے۔ اگر ہم احتیاط کرتے ہیں تو سب کچھ قابو میں رہے گا ۔'

انہوں نے مزید کہا کہ 'سبھی لوگ ماسک لگائے اور بھیڑ والے علاقوں میں نہ جائے اور معاشرتی فاصلے کا خیال رکھیں۔ یہی وجہ ہے کہ اب بازاروں کے لئے نیا روسٹر تیار کیا گیا ہے جس کے تحت اب بازاروں کی دکانیں الگ الگ دن کھلےگی۔'