وزیر اعلی شیوراج سنگھ چوہان نے آج صبح وزراء میں محکمے تقسیم کیے ہیں۔ اس کے بعد ہونے والی پہلی میٹنگ میں چوہان نے کہا کہ وزیروں کو ہفتے میں ایک بار اپنے محکمہ کا جائزہ لینا چاہئے اور اس کام کے لیے پیر کے روز کو مقرر کیا جانا چاہئے۔
انہوں نے کہا کہ وزیروں کو کم سے کم چار دن اپنے علاقے کا دورہ کرنا چاہئے۔ علاقے میں سرکاری اسکیموں کے نفاذ کو بھی دیکھا جائے اور ترقیاتی کاموں کی نگرانی کی جائے۔
انہوں نے کہا کہ وزراء لوگوں سے ملنے جلتے رہیں۔ حکومت کی ترجیحات بتاتے ہوئے چوہان نے کہا کہ وزیر اعظم نریندر مودی کے 'خود انحصار بھارت' کے عزم کے لئے 'خود انحصار مدھیہ پردیش' ضروری ہے۔ اس کے لئے ہر محکمہ کیا کچھ کرسکتا ہے، اس کا ایک روڈ میپ تیار کیا جانا چاہئے۔
وزیراعلیٰ نے کہا کہ اس سلسلے میں عوام سے تجاویز بھی طلب کی گئی ہیں اور تقریبا 700 تجاویز مل گئی ہیں۔
انہوں نے وزراء سے عہدیداروں اور تجربہ کار لوگوں سے اپنے محکموں سے متعلق تجاویز پر تبادلہ خیال کرنے کی ہدایت دیتے ہوئے کہا کہ اس ماہ کے آخر تک 'خود انحصار مدھیہ پردیش' کے تئيں اپنے محکمے کا روڈ میپ تیار کریں۔کابینہ میٹنگ میں وزراء کے علاوہ چیف سکریٹری اقبال سنگھ اور دیگر اہلکار موجود تھے۔