تبلیغی جماعت کے لوگوں کو قرنطینہ میں رکھیں: شیوراج

مدھیہ پردیش کے وزیر اعلیٰ شیوراج سنگھ چوہان نے آج یہاں وزارت میں منعقد اعلیٰ سطحی میٹنگ میں یہ ہدایت دی ہےکہ تبلیغی جماعت میں حصہ لینے والے ریاست کے شہریوں کو قرنطینہ میں رکھنے کا انتظام کیا جائے۔

سرکاری اطلاع کے مطابق چوہان نے کہا کہ جیسا کہ خبر موصول ہوئی ہے،چند روز قبل تبلیغ جماعت کے ایک بڑے مذہبی پروگرام کا انعقاد ہوا تھا۔ ملک بھر سے عقیدت مند اس میں شرکت کے لئے گئے تھے۔ اس گروپ میں سے 200 افراد کوویڈ۔19 سے متاثر ہونے اور ان میں سے 6 کی تلنگانہ میں موت ہونے کی اطلاع موصول ہوئی ہے۔ اس مذہبی پروگرام میں مدھیہ پردیش کے 100 سے زائد افراد نے بھی شرکت کی۔ ایسی اطلاع ملی ہے۔

انہوں نے کہا کہ اس تناظر میں چوکنا رہنے کی ضرورت ہے۔ اس سلسلے میں، افسران کو ہدایت دی گئی ہے کہ وہ اس پروگرام میں شامل مدھیہ پردیش کے لوگوں کی نشاندہی کریں اور انہیں قرنطینہ میں رکھ کر ضروری صحت کی جانچ کرائیں۔ یہ عمل سب کے مفاد میں ہے۔ اگر ان لوگوں میں کسی بھی قسم کی بیماری کے علامات ظاہر ہوں تو ان کے ٹیسٹ اور علاج کے لئے بھی مناسب انتظامات کیے جائیں۔

وزیر اعلیٰ تمام پولیس سپرنٹنڈنٹ کو یہ کارروائی جلد از جلد مکمل کرنے کے احکام جاری کئے ہیں۔