مدھیہ پردیش:فیس میں اضافے کے خلاف شیوسینا کا احتجاج

ریاست مدھیہ پردیش کے دارالحکومت بھوپال میں غیر سرکاری اسکولز اور ہسپتالوں میں بڑھتی فیس کو لے کر شیوسینا نے ایس ڈی ایم کو وزیر اعلی کے نام میمورنڈم پیش کیا۔

شیوسینا کے صوبائی صدر کا کہنا ہے کی ریاست مدھیہ پردیش میں غیر سرکاری اسکولز اور ہسپتالوں میں کسی بھی طرح کی فیس کا کوئی بھی پیمانہ نہیں ہے ۔

شیوسینا کا الزام ہے کہ صوبے میں تعلیم اور تجارت میں بہت تیزی سے اضافہ ہورہا ہے اور محکمہ تعلیم گہری نیند سو رہا ہے ۔بچوں کے والدین سے پرائیویٹ اور مشنری اسکول ہر سال اضافی فیس وصول کر رہے ہیں اور وہ دینے پر مجبور ہے ۔

یہاں تک کہ یہ اسکول طلبا کو کتاب بیاض اور یونیفارم تک اپنی طی کی ہوئی دکانوں سے لینے پر مجبور کرتے ہیں ۔ایسے اسکولوں کے خلاف سخت قدم اٹھاتے ہوئے ان پر مقدمہ درج کیا جانا چاہیے ۔

شیو سینا نے اپنے احتجاج میں کہا کہ ان سب پر جلد سے جلد روک نہیں لگائی گئی تو اب شیوسینا کی جانب سے پورے صوبے میں بڑے پیمانے پر احتجاج کیا جائے گا۔