بھوپال: ریاست مدھیہ پردیش کے صنعتی شہر اندور میں جس طرح سے "پٹھان" فلم کی ریلیز کے بعد جس طرح سے ہندو تنظیم کے کارکنان نے مذہب اسلام کے خلاف متنازع نعرے بازی کی۔ متنازع نعرہ بازی کے سبب شہر میں حالات کشیدہ ہیں۔ اس کے خلاف ریاست مدھیہ پردیش کے مسلم طبقے میں خاصی ناراضگی پائی جا رہی ہے وہیں۔ ریاست مدھیہ پردیش کے دارالحکومت بھوپال کے شہر قاضی سید مشتاق علی ندوی نے اس معاملے پر سخت ناراضگی کا اظہار کرتے ہوئے کہا کہ جس طرح سے شہر اندور میں کچھ شرپسند وں نے آپ حضرت محمد صلی اللہ علیہ و آلہ و سلم کی شان میں گستاخی کی ہے۔ اس کی ہم سخت الفاظ میں مذمت کرتے ہیں۔
انہوں نے کہاکہ ایمان والوں کے لئے حضور حضرت محمد صلی اللہ علیہ و آلہ و سلم کی عظمت اور محبت اپنی جان سے زیادہ پیاری ہوتی ہے۔آپ صلی اللہ علیہ وسلم پر ایمان والا اپنی جان بھی قربان کر سکتا ہے۔ اس لئے ہم اس کی سخت مذمت کرتے ہیں۔ حکومت سے مطالبہ کرتے ہیں کہ ایسے لوگوں کے لئے سخت قانون بنائے جائے۔ تاکہ کسی بھی مذہبی شخصیت کے خلاف اگر کوئی غلط الفاظ استعمال کرتا ہے تو اسے سخت سے سخت سزا دی جائے۔ انہوں نے کہا یہ دیکھا جا رہا ہے کہ عام طور سے اس طرح کے جو واقعات ہوتے ہیں۔ اس میں لوگوں کو چھوڑ دیا جاتا ہے۔ اس لئے ہمارا مطالبہ ہے کہ ایسے لوگوں کے لئے سخت قانون بنائے جائے تاکہ لوگ اس طرح کی حرکتیں نہ کر پائے۔ شہر قاضی سید مشتاق علی ندوی نے کہا ہم اس تعلق سے ریاست مدھیہ پردیش کے وزیر داخلہ سے ملاقات بھی کریں گے۔